Sara Asimi - Greenlandic Song lyrics

Seqinnilermat inuit aallakaapput
Asimut nuniagiarlutik
Sara Ivalolu nuannaarput
Asimi angalaaramik

Nunianneq pikkunaallilermat
Pisullutik aallaannaqaat
Tusaaviuk inoqarpaluttoq
Arlaanni susoqartoruna?

Nunap angutaa takulerpaat
Uumasunik tiguaasimasoq
Isigassui salerusaalerpaat
Uumasullu aniguisillugit

Uumasut qaqqamut uterput
Sarakullu angerlalerlutik
Qaqqamiit ammukarusaarput
Misiginasik ulikkaarlutik

Apuukkamik oqaluttuarput
Angajoqqaavisali upperinngilaat
Kisiannili soqutaanngilaq
Takorluuineq killeqanngimmat